علی پور چٹھہ سے منڈی بہاءالدین آنے والی تین گاڑیوں کو حادثہ، پھالیہ کا رہائشی نوجوان جاں بحق،6افرادزخمی
گزشتہ روز پھالیہ کے رہائشی سرفراز منظور، محمد عنایت اور حمزہ پک اپ نمبر FDS338 میں علی پور چٹھہ سے منڈی بہاؤالدین جا رہے تھے۔ جب وہ کوٹ ہرا کے قریب پہنچے تو کار نمبر BRA1729 ان کو اوور ٹیک کرتے ہوئے ان سے ٹکرا گئی اور اسی دوران ایک اور گاڑی بریک نہ لگنے سے دونوں سے ٹکرا گئی۔ جس کے نتیجے میں پک اپ کے پیچھے بیٹھا حمزہ موقع پر ہی جاں بحق ہوگیا۔
نواحی ولاقہ کوٹ ہرا چوک کے میں آئے روز حادثات معمول بن گئے ہیں۔ یہ چوک دو اضلاع کے سنگم پر واقع ہے جہاں سے رسول نگر سے ونیکے تارڑ اور قادر آباد سے علی پور چٹھہ جانے والی گاڑیاں 24 گھنٹے گزرتی ہیں۔ چوک میں نہ کوئی سپیڈ بریکر ہے اور نہ ہی گول چکر جس کی وجہ سے آئے روز ہونے والے حادثات میں کئی قیمتی جانیں ضائع ہو چکی ہیں۔
