ڈپٹی کمشنر شاہد عمران مارتھ کی ہدایت پر اسسٹنٹ کمشنر پھالیہ محمد افضال کا تحصل پھالیہ کے موضع چک لکھیاں کے مقام پر برجی نمبر 155 کے بند ٹوٹنے پر فوری ایکشن۔
تفصیلات کے مطابق مقامی زمینداروں نے پانی چوری کی غرض سے نہر کو کٹ لگایا جو پھیل کر 40 ایکڑ شگاف بن گیا۔ گاؤں میں پانی داخل نہ ہوا تھا۔ واقعہ کی اطلاع ملتے ہی ڈپٹی کمشنر نے اسسٹنٹ کمشنر پھالیہ محمد افضال اور محکمہ انہار کے افسران کو موقع پر پہنچ کر امدادی سرگرمیوں کا آغاز کرنے کی ہدایت کی۔
اسسٹنٹ کمشنر پھالیہ نے محکمہ انہار اور متعلقہ افسران سمیت ہیوی مشینری کی مدد سے دو گھنٹے میں بند کی مرمت کر کے علاقے کو کسی بھی قسم کے بڑے نقصان سے بچایا۔ اس موقع پر ڈپٹی کمشنر کا کہنا تھا ضلعی انتظامیہ کے بروقت اقدام سے کسی قسم کا کوئی جانی و مالی نقصان نہیں ہوا.
اس واقعہ کے ذمہ داروں کے خلاف کاروائی کر کے قانون کے مطابق سزا دی جائے گی ۔ اس موقع پر اہل علاقہ نے بر وقت امداد اور بہترین اقدامات پر ضلعی انتظامیہ کو خراج تحسین پیش کیا
