جہلم سے لاہور آنے والی لڑکی کو دوست نے شادی کا جھانسہ دے کر ہوٹل میں رکھا اور متاثرہ لڑکی کی عزت تار تار کر ڈالی، پولیس نے مقدمہ درج کر لیا
لاہور (تازہ ترین۔ 04 اگست2022ء) ٹک ٹاک کی دوستی کا بھیانک انجام، جہلم کی لڑکی کو دوست نے زیادتی کا نشانہ بنا ڈالا، جہلم سے لاہور آنے والی لڑکی کو دوست نے شادی کا جھانسہ دے کر ہوٹل میں رکھا اور متاثرہ لڑکی کی عزت تار تار کر ڈالی، پولیس نے مقدمہ درج کر لیا۔ تفصیلات کے مطابق پنجاب کے دارالحکومت لاہور میں ایک دوسرے شہر سے آنے والی لڑکی کی عزت تار تار کر دی گئی۔
یہ بھی پڑھیں: ٹک ٹاک پر غیر مناسب مواد، پاکستان کا دوسرا نمبر
میڈیا رپورٹس کے مطابق متاثرہ لڑکی ٹک ٹاک پر بننے والے دوست سے ملاقات کیلئے لاہور آئی تھی، ملزم نے لڑکی کو شادی کا جھانسہ دے کر لاہور بلایا اور پھر ایک نجی ہوٹل میں لے جا کر زیادتی کا نشانہ بنا ڈالا۔ اس حوالے سے لاہور پولیس کی جانب سے بتایا گیا ہے کہ متاثرہ لڑکی کی شکایت موصول ہونے پر تھانہ سول لائنز میں مقدمہ درج کر لیا گیا۔ پولیس کے مطابق ملزم کا تعلق لاہور کے علاقے دھرم پورہ سے ہے، ملزم کی گرفتاری کیلئے کوششیں کی جا رہی ہیں۔
