ایران ایئر نے پاکستان کے لیے براہ راست پروازوں کا اعلان کر دیا

پاکستان میں ایرانی سفیر مدثر نے سوشل میڈیا سائٹ ایکس پر ایک پیغام جاری کرتے ہوئے اس پیشرفت سے آگاہ کیا۔

اپنے پیغام میں انہوں نے کہا کہ انہیں بہت خوشی ہے کہ ایران ایئر نے کوئٹہ-زاہدان-مشہد کے لیے براہ راست پروازیں شروع کر دی ہیں، جو تینوں تاریخی شہروں کو بے پناہ صلاحیتوں سے جوڑ دے گی۔

انہوں نے کہا کہ تینوں شہروں کے عوام کا دیرینہ مطالبہ تھا کہ براہ راست پروازیں شروع کی جائیں جبکہ نئے فلائٹ آپریشنز سے خطے میں کاروبار، سیاحت اور عوام کے درمیان روابط کو فروغ ملے گا۔

ایرانی سفیر نے کہا کہ ہمارے جغرافیہ کی گہرائی اور ہماری اقتصادی ضروریات کو دیکھتے ہوئے ہم دونوں ممالک کے درمیان فضائی رابطے میں اضافہ جاری رکھیں گے۔