ملکوال : 2 لڑکیوں کو مسلح افراد اغوا کر کے لے گئے. مزاحمت پر بھائیوں پر فائرنگ. دھند میں مسلح افراد انکی جھونپڑیوں میں گھس گئے اور جواں سالہ 2 لڑکیوں کو زبردستی اٹھالیا
ملکوال (تحصیل رپورٹر) تفصیلات کے مطابق تھانہ میانہ گوندل کے علاقہ پہلی قبرستان کے قریب غریب خانہ بدوش خاندان آباد تھا کہ گزشتہ رات اڑھائی بجے کے قریب شدید سردی اور دھند میں مسلح افراد انکی جھونپڑیوں میں گھس گئے اور جواں سالہ 2 لڑکیوں کو زبردستی اٹھالیا.
پنجاب سے اغوا ہونے والی لڑکیاں بلوچستان سے بازیاب
لڑکیوں کے بھائیوں نے مزاحمت کی تو انہوں نے بھائیوں جان محمد اور محمد کیفی پر فائرنگ کر کے ان کو شدید زخمی کر دیا اور لڑکیوں کو اغوا کر کے لے گئے، مغوی لڑکیوں کے نام افسانہ اور شازیہ صرف شازی ہیں، ادھر دونوں زخمی نوجوانوں کو ہسپتال منتقل کر دیا گیا.
واقعہ کی اطلاع ملنے پر میانہ گوندل پولیس نے مدعی جانی چنگڑ پکھی واس کی مدعیت میں اجتہاں، ملکو سلیم، اور مقبول سمیت 19 افراد کے خلاف تھانہ میانہ گوندل میں مقدمہ درج کر لیا ہے۔ مدعی مقدمہ جانی چنگڑ کے مطابق اغواء کنندگان کا تعلق انکی برادری سے ہی ہے اور لڑکیوں کو حرام کاری کی غرض سے اغوا کیا گیا۔
