سنٹرل پولیس آفس میں کمپن سیشن ایوارڈ کمیٹی کا اجلاس منعقد ہوا جس میں ایڈیشنل آئی جی ویلفیئر اینڈ فنانس ریاض نذیر گاڑا کی سربراہی میں کمیٹی نے مختلف اضلاع میں تعینات اہلکاروں کے ہیلتھ ویلفیئر کیسز کی سکروٹنی اور منظوری کے بعد فنڈز اجراء کیلئے آئی جی پنجاب کو بھجوا دئیے.
آئی جی پنجاب ڈاکٹر عثمان انور نے فورس کے علاج کے لیے مزید 17 لاکھ روپے جاری کر دیئے۔ تفصیلات کے مطابق منڈی بہاؤالدین کے زخمی اے ایس آئی ارشد حسین کو طبی اخراجات کے لیے 5 لاکھ روپے دیے گئے۔ ڈی جی خان کے زخمی کانسٹیبل اعجاز حسین کو طبی امداد کے لیے 5 لاکھ روپے جاری کر دیے گئے۔
قصور کے زخمی کانسٹیبل سلمان شوکت کو طبی اخراجات کے لیے 3 لاکھ روپے دیے گئے۔ سیالکوٹ کے زخمی کانسٹیبل ناصر یعقوب کے علاج کے لیے ڈھائی لاکھ روپے جاری کر دیے گئے ہیں۔ منڈی بہاؤالدین کے زخمی کانسٹیبل حسنین اختر کو دو لاکھ روپے طبی اخراجات کے لیے دیے گئے۔
