وزیر اعلی پنجاب مریم نواز شریف، چیف سیکرٹری پنجاب زاہد اختر زمان کی خصوصی ہدایت پر ڈپٹی کمشنر شاہد عمران مارتھ ضلع بھر میں روٹی اور نان کی سرکاری قیمت پر فروخت کیلئے خود فیلڈ میں متحرک۔
منڈی بہاوالدین ( ایم.بی.ڈین نیوز 18اپریل 2024)ڈپٹی کمشنر نے آج مختلف ہوٹلز اور تندوروں کو اچانک چیک کیا اور روٹی و نان کی سرکاری قیمت پر فروخت اور وزن کا جائزہ لیا۔ اس موقع پر ڈپٹی کمشنر شاہد عمران مارتھ کا کہنا تھا کہ حکومتی ہدایت کے مطابق مقررہ نرخ پر روٹی اور نان کی فروخت کو ہر صورت یقینی بنایا جا رہا ہے۔
ضلع بھر کے پرائس مجسٹریٹس نے گزشتہ روز 323 تندوروں کی انسپکشنز کیں۔ 27 مختلف تندوروں پر نئے ریٹس کے مطابق روٹی اور نان فروخت نہ کرنے پر تندور مالکان کو 91 ہزار روپے جرمانہ عائد کیا گیا اور 5 افراد کے خلاف ایف آئی آرز کا اندراج کر کے 3 تندور مالکان کو موقع پر گرفتار کرلیا گیا۔
