منڈی بہاوالدین : 2 افراد کا سیلز مین پر تشدد، 20 ہزار نقدی چھین لی، ملزمان سرعام اسلحہ لہراتے فرار، میڈیکل رزلٹ ہونے کے باوجود پولیس تھانہ سٹی کا ایف آئی آر درج کرنے سے انکار، ڈی پی او منڈی بہاﺅالدین نوٹس لیں….
منڈی بہاوالدین (ایم.بی.ڈین نیوز 15 مارچ 2021) مدنی محلہ کا رہائشی سخاوت سامان سیل کر رہا تھا کہ غوثیہ مسجد یو بی ایل بنک کے قریب مسلحہ 2 افراد مطیع وغیرہ نے حملہ کر دیا. ملزمان نے پستول کے بٹ مارے، تھپڑ مارے، شدید زدوکوب کیا. وٹک رقم تقریباً 20 ہزار روپے چھین لیے. اور جان سے مار دینے کی دھمکیاں دے کر فرار ہو گئے. 15 پر کال کی گئی. لیکن تھانہ سٹی پولیس موقع پر نہیں پہنچی. ہسپتال سے میڈیکل رزلٹ لیا.
شہری ایف آئی آر کے اندراج کے لیے صبح سے لے کر رات گئے تک تھانہ سٹی بیٹھے رہے. پولیس نے سائل کو سارا دن خوار کر کے گھر بھیج دیا. مضروب سخاوت کی ڈی پی او منڈی بہاﺅالدین سید علی رضا سے اپیل ہے کہ مقدمہ درج کر کے مجھے انصاف فراہم کیا جائے. کیونکہ قانون سے کوئی بھی بالاتر نہیں. میرے ساتھ زیادتی کا ازالہ کر کے جرائم پیشہ افراد کا حوصلہ پست کیا جائے اور میرے جیسے عام شہریوں کا پولیس پر اعتماد بڑھایا جائے.
