جامعہ گجرات سب کیمپس منڈی بہاولدین کے طلبہ کو ہنگامی حالات میں ریسکیو اقدامات کی تربیت دینے کیلئے ورکشاپ کا انعقاد، ان ڈور اور آوٹ ڈور ایمرجنسی کی آگاہی طلبہ نے تربیتی ورکشاپ میں گہری دلچسپی ظاہر کی .
جامعہ گجرات سب کیمپس منڈی بہاولدین میں ڈسٹرکٹ ایمرجنسی آفیسر انجنئير عمران خاں کی ھدایت پر ریسکیو کے سیفٹی ونگ نے آگاہی سیمینار کا انعقاد کیا، جس میں طلباء و طالبات کی کثیر تعداد نے شرکت کی، ریسکیو انسٹرکٹرز نے طلباء و طالبات کو زندگی بچانے کی بنیادی مہارتوں بارے میں آگاہی دی۔
اس موقع پر طلبہ کو زخمی ہونے، ہڈی ٹوٹ جانے ، کرنٹ لگنے، بے ہوش ہونے، دل کا دورہ پڑنے، گلے میں ہڈی پھنسنے، آگ لگنے سمیت اہم ایمرجنسی صورتحال جس میں انسانی جان کو خطرہ ہو، کے بارے میں طبی امداد کی تربیت دی گئی تربیت کے اختتام پر طلباء وطالبات اور اساتذہ کرام نے ریسکیو ٹیم کا شکریہ ادا کیا. جامعہ گجرات کے ڈائریکٹر کیمپس ظہیر الدین بابر کا کہنا تھا کہ ریسکیو سے اگاہی معاشرے کا اہم پہلو یے طلبہ کو اس کی تربیت دینا وقت کی اہم ضرورت ہے
