گورنمنٹ ہائی سکول دھریکاں کلاں نے تاریخ رقم کر دی۔ کلاس دہم اور کلاس نہم کے سالانہ امتحان میں نمایاں کارکردگی کا مظاہرہ کرنے والے طلبہ کو ایک لاکھ کے نقد انعامات دئیے۔
منڈی بہاءالدین ( ایم.بی.ڈین نیوز 5 نومبر 2022) تقریب تقسیم انعمات کے چیف گیسٹ ڈی-ای-او ایجوکیشن محمد نواز جعفری تھے اور انکے ساتھ ادارہ ہذا سے ماضی میں علم کی روشنی سے سیر ہونے والے ہونہار طلبہ جن میں پنجاب یونیورسٹی کے پروفیسر ابو بکر بٹ(پی-ایچ-ڈی فزکس) ،لیکچرر گورنمنٹ پیر یعقوب شاہ ڈگری کالج مجاہد عرفان (گولڈ میڈیلسٹ ایم-فلز اردو) اوراسسٹنٹ سپرانٹینڈینٹ جیل عامر شہزاد مچرا بھی تقریب کی زینت تھے۔
یہ بھی پڑھیں: ضلع منڈی بہاءالدین سرکاری سکولوں کا نہم کا رزلٹ انتہائی مایوس کن
ان سب کیساتھ سکول کونسل کے ممبران ،معززین اہلیان علاقہ کے اور بچوں کے والدین بھی شامل تھے۔ کلاس دہم میں پہلی پوزیشن حاصل کرنے والے طالبعم محمد ابو بکر کو نقد بیس ہزار انعام، دوسری پوزیشن حاصل کرنے والے طالبعلم محمد کبیر عادل کو نقد پندرہ ہزار روپےاور تیسری پوزیشن حاصل کرنے والے طالبعلم کو دس ہزار روپے کے نقد انعامات تقسیم کئے۔
اسی طرح کلاس کے نہم کے تمام پوزیشن ہولڈرز کو بھی انعامات دئیے گئے جس میں پہلی پوزیشن حاصل کرنے والے طالبعلم افضال رسول کو بارہ ہزار روپے کے انعام سے نوازا گیا.
