معروف پاکستانی گلوکارہ آئمہ بیگ اپنے قریبی دوست زین احمد کے ساتھ شادی کے بندھن میں بندھ گئیں۔
ایک نجی ویب سائٹ نے دعویٰ کیا ہے کہ گلوکارہ آئمہ بیگ اپنے قریبی دوست زین احمد کے ساتھ رشتہ ازدواج میں منسلک ہوگئی ہیں۔ آئمہ اور زین کو مختلف مواقع پر ایک ساتھ دیکھا گیا اور کچھ عرصہ قبل انسٹاگرام پر اپنے تعلقات کا باضابطہ اعلان کیا تھا۔
لکس اسٹائل ایوارڈز کی نامزدگیوں کااعلان
ذرائع کے مطابق آئمہ بیگ اور زین احمد کی شادی کینیڈا میں سادہ اور نجی تقریب میں ہوئی۔ تقریب کی ایک تصویر سوشل میڈیا پر گردش کر رہی ہے جو ان کی شادی کی خبروں کی تصدیق کرتی ہے۔ جوڑے نے اب باضابطہ طور پر شادی کر لی ہے اور ایک نیا سفر شروع کر دیا ہے۔
یاد رہے کہ گلوکارہ آئمہ بیگ اس سے قبل اداکار شہباز شگری کی منگیتر تھیں تاہم کچھ عرصے بعد انہوں نے سوشل میڈیا پر منگنی توڑنے کا اعلان کیا جس کے بعد آئمہ کئی بار زین احمد کے ساتھ نظر آئیں۔
