انسپکٹر جنرل آف پولیس پنجاب راو سردار علی خان کے ویژن کے مطابق اور ریجنل پولیس آفیسر گوجرانوالہ عمران احمر کی ہدایات پر ڈسٹرکٹ پولیس آفیسر انور سعید کنگرا نے تھانہ ملکوال میں کھلی کچہری کا انعقاد کیا.
منڈی بہاءالدین (ایم.بی.ڈین نیوز 23 جنوری 2022) نمبرداران کو ٹھیکری پہرہ لگانے کی ہدایت، شہریوں کی شکایات پر فوری عملدرآمد کا حکم، کھلی کچہری میں دیہی علاقوں کے شہریوں نے کثیر تعداد میں شرکت کی .منڈی بہاءالدین ڈسٹرکٹ پولیس آفیسر انور سعید کنگرا نے آئی جی پولیس پنجاب کی ہدایت پر تھانہ ملکوال میں کھلی کچہری کا انعقاد کیا، اس موقع پر دیہی علاقوں سے تعلق رکھنے والے شہریوں نے کثیر تعداد میں شرکت کی اور اپنی شکایات پیش کیں.
یہ بھی پڑھیں: جعلی چالان بک اور رشوت خوری پر 2 اے آئی سمیت 5 اہلکار معطل
اس موقع پر ڈی پی او انور سعید کنگرا نے شکایات کے حل کیلئے متعلقہ افسران کو احکامات جاری کئے، کھلی کچہری میں سرکل ڈی ایس پی، ایس ایچ اوز، درخواست گزار، معززین شہر، میڈیا نمائندگان اور عوام الناس کی کثیر تعداد میں شرکت کی، ڈی پی او انور سعید کنگرا کا کہنا تھا کہ کھلی کچہری کے انعقاد کا بنیادی مقصد پولیس اور عوام کے مابین فاصلوں کو ختم کر کے انصاف شہریوں کی دہلیز پر پہنچانا ہے اور عوامی مسائل کو ترجیحی بنیادوں پر حل کرنا ہے.
انہوں نے کہا کہ زیر التواء درخواست گزاروں کو بلوایا ہے تاکہ انہیں انصاف مل سکے، انہوں نے نمبرداران کو ہدایت کی کہ وہ گاوں میں ٹھیکری پہرہ لگائیں اور مشتبہ سرگرمی کی پولیس کو اطلاع دیں انہوں نے کہا کہ 20 سال پہلے کی اور آج کی پولیس میں نمایاں فرق ہے.
