ڈپٹی کمشنر طارق علی بسرا نے کہاہے کہ وزیراعظم سٹیزن پورٹل کا مقصد شہریوں کے مسائل کا بر وقت ازالہ ہے، ضلعی افسران شہریوں کو ریلیف فراہم کرنے کیلئے ان کی شکایات کا جلد سے جلد ازالہ یقینی بنائیں اور شکایات کے حوالے سے مقررہ معیاد میں ایکشن لے کر پورٹل پر اپ ڈیٹ کریں۔
منڈی بہاءالدین ( ایم.بی.ڈین نیوز 23 اکتوبر 2021 ) ان خیالات کا اظہار انہوں نے آج یہاں ڈی سی آفس میںوزیراعظم سٹیزن پورٹل پر عوامی شکایات کے ازالے کے حوالے سے منعقدہ ایک اجلاس کی صدارت کرتے ہوئے کیا۔ اجلاس میں ایڈیشنل ڈپٹی کمشنر جنرل محمد شفیق، اسسٹنٹ کمشنر پھالیہ ساجدمنیر، ڈسٹرکٹ ہیلتھ آفیسر ڈاکٹر محمد افتخار سمیت دیگر متعلقہ محکموں کے افسران نے شرکت کی۔
اجلاس میں سٹیزن پورٹل پر عوام الناس کی جانب سے موصول شکایات پر ایکشن کا جائزہ لیا گیا۔ ڈپٹی کمشنر طارق علی بسرا نے کہا کہ سرکاری محکموں سے متعلق شہریوں کی شکایات پر بلا تاخیر کارروائی کی جا رہی ہے۔ انکوائریوں کو ترجیحی بنیادوں پر نمٹایا جائے۔ انہوں نے متعلقہ افسران کو ہدایت کی کہ کسی بھی سرکاری محکمہ کے خلاف شکایت موصول ہوتے ہی متعلقہ محکمہ سے رابطہ کر کے مسئلہ کو جلد سے جلد حل کیا جائے، اس حوالہ سے کسی قسم کی سستی یا کوتاہی کو ہر گز برداشت نہ کیا جائے گا۔
انہوں نے تمام متعلقہ افسران کو وزیر اعظم سٹیزن پورٹل کی ہدایت کی روشنی میں عوامی مسائل کے حل اور شکایت کے حل کے ازالے کے حوالے سے اقدامات کو مزید بہتر کرنے کی ہدایت کی۔ طارق علی بسرانے کہا کہ سرکاری اداروں کی کارکردگی بہتر بنانے کےلئے شہریوں کی آراءنہایت اہمیت کی حامل ہے۔ منڈی بہاو ءالدین میں سٹیزن فیڈ پروگرام کے تحت اقدامات حوصلہ افزا ء ہیں۔
