منڈی بہاو ¿الدین( ایم.بی.ڈین نیوز 19مارچ 2021 ) ڈپٹی کمشنر طارق علی بسرا نے شہر میں قائم پر ائس مجسٹریٹ ڈیسک کا اچانک دورہ کیا۔اس موقع پر ایڈیشنل ڈپٹی کمشنر ریونیو توقیر الیاس چیمہ، اسسٹنٹ کمشنر ملک کاشف نواز د یگر متعلقہ افسران بھی موجود تھے۔ اپنے دورے کے دوران ڈپٹی کمشنر نے پھلوں، سبزیوں اور کریانہ شاپس کے سٹالز کا معائنہ کیااور وہاں پر رکھی گئی اشیاءکے معیاراور مقدار کا جائزہ لیا۔
انہوں نے خریداری کیلئے آنے والے صارفین سے قیمتوں اور کوالٹی کے بارے میں بھی دریافت کیا جس پر شہریوں نے پر ئس مجسٹریٹ ڈیسک کے قیام کو ایک مثبت اقدام قرار دیا ۔اس موقع پر ڈپٹی کمشنر نے کہا کہ ضلع منڈی بہاﺅالدین میںپر ائس مجسٹریٹ ڈیسک کا قیام شہریوں کے پرزور مطالبہ پر کیا گیا ہے جس کا بنیادی مقصدجہاں کہائی بھی اشیاءکی قمیتوں ، معیار ، مقداراور کوالٹی کے متعلق کوئی شکایات ہوں، موقع پر مو جودہ پرائس مجسٹریٹ اور عملہ فورا کاروائی کر کے شکایات کا ازالہ کر تے ہیں تاکہ شہریوں کو مقرر کردہ قمیتوں پر اشیاءکے حصول میں کسی قسم کی دقت پیش نہ آئے اور اس سسلے میں بازاروں اور مارکیٹوں میں سر کاری عملہ میگافون کے ذریعے اعلانات کر کے عوام الناس کو اپنی موجودگی کا احساس بھی دلاتاہے ۔
انہوں نے بتایا کہ حکومت کی ہدایت پر ذخیرہ اندوزوں اور منافع خوروں کے خلاف کریک ڈاﺅن کامیابی سے جاری ہے او اس ضمن میں اسسٹنٹ کمشنرز اور تمام مجسٹریٹس صاحبان اپنے اپنے علاقوں میں متحرک ہیں اور ناجائز منافع خوری اور ذخیرہ اندوزی کے خلاف سخت اقدامات اٹھا رہے ہیں ۔
