ڈسٹرکٹ سپرنٹنڈنٹ جیل وحید خان نے کہا ہے کہ عملی مشقوں کا مقصد ممکنہ خطرات سے نمٹنے کی مختلف محکموں کی تیاریوں کا جائزہ لینا ہے۔ کسی بھی ایمرجنسی کی صورت میں سب سے اہم کردار ریسکیو اور ریلیف کا ہوتا ہے۔
منڈی بہاﺅالدین( ایم.بی.ڈین نیوز 08 جولائی2021) ان خیالات کا اظہار انہوں نے ڈسٹرکٹ جیل منڈی بہاﺅالدین میں جیل انتظامیہ کے زیر اہتمام جیل ہذٰا پر کسی بھی ہنگامی صورتحال سے نمٹنے کیلئے بھر پور عملی مظاہرہ کے معائنہ کے موقع پرکیا۔ اس موقع پر ڈپٹی سپرنٹنڈنٹس جیل شمشاد خان، محمد معصب بلال گوندل، اسسٹنٹ سپرنٹنڈنٹس جیل محمد عامر، محمد وسیم، محمد ثاقب رضا، سمیع اللہ گوندل اور دیگر جیل سٹاف بھی موجود تھا۔
عملی مظاہرہ میں لاءانفورسمنٹ ایجنسیز، پنجاب پریژن، پاکستان رینجرز، پنجاب پولیس، سی ٹی ڈی، ایمرجنسی سروسز ریسکیو 1122، سول ڈیفنس اور ہیلتھ کی ٹیموں نے حصہ لیا۔ اس موقع پر ڈسٹرکٹ سپرنٹنڈنٹ جیل وحید خان شرکت کرنے والے اداروں کا شکریہ ادا کرتے ہوئے کہا کہ ملکی حالات کو مد نظر رکھتے ہوئے کسی بھی ناگہانی صورتحال سے نمٹنے کیلئے موک ایکسر سائز کا انعقاد کیا گیا ہے ۔
انہوں نے کہا کہ اس عملی مظاہرے کا مقصد کسی بھی قسم کی ہنگامی صورتحال سے نمٹنے کیلئے عوام الناس میں شعور اجاگر کرنا اور متعلقہ محکموں کے مابین مربوط تعاون اور پیشہ وارانہ ستعداد کار میں اضافہ کرنا ہے تاکہ پیشگی تےاری کرکے بڑے نقصان سے بچا جاسکے۔انہوں نے کہا کہ موک ایکسرسائزمیں حصہ لینے والی ٹیموں نے پیشہ وارانہ طور پر متحرک انداز میں حصہ لیا جس میں میڈیکل اور فائر فائٹنگ کی مشقیں کی گئیں جس سے یہ بات ثابت ہوتی ہے کہ کسی بھی قسم کی ہنگامی صورتحال سے نمٹنے کیلئے تمام ادارے الرٹ اور تیار ہیں۔
