منڈی بہاؤالدین: پیرافورس نے ضلع بھر میں تجاوزات کے خلاف کام شروع کر دیا۔ عرصہ دراز سے تجاوزات مافیا نے گھیرا تنگ کر رکھا تھا جس کے خلاف اب پنجاب حکومت نے ضلع منڈی بہاؤالدین میں ٹیمیں تشکیل دے کر کام شروع کر دیا ہے۔ جسے عوامی و سماجی حلقوں نے بے حد سراہا ہے اور حکومت پنجاب کے اس اقدام کی حمایت کی ہے۔
یہ فورس عوام کو ہر لحاظ سے ہر ممکن سہولیات کی فراہمی کو یقینی بنانے کے لیے پوری طرح متحرک ہے۔ میڈیا سے گفتگو کرتے ہوئے سب ڈویژنل آفیسر پیرا منڈی بہاؤالدین تابش محمود بٹ نے کہا کہ ضلع بھر میں مکمل امن و امان کی بحالی اور تجاوزات کے خلاف آپریشن اور آپریشن بغیر کسی سفارش اور رکاوٹ کے جاری رہے گا۔
پنجاب حکومت کے وژن کو عملی جامہ پہنانے کے لیے فورس کا ہر سپاہی متحرک ہے اور وزیر اعلیٰ پنجاب کا یہ مشن کسی بھی صورت میں ناکام نہیں ہونے دیں گے۔ یہ فورس ضلع بھر میں یہاں تک کہ گاؤں کی سطح پر بھی تجاوزات سے پاک علاقہ بنانے میں اپنا کردار ادا کرے گی اور اس سلسلے میں تمام ممکنہ وسائل بروئے کار لائے گی۔
ٹیمیں تشکیل دے کر باقاعدہ مہم شروع کر دی گئی ہے اور بازاروں میں دکانداروں کو وارننگ دی گئی ہے۔ انشاء اللہ یہ ضلع جلد تجاوزات سے پاک ہو جائے گا اور ہم حکومت کے وژن کو عملی جامہ پہنانے کے لیے تمام وسائل بروئے کار لائیں گے۔ ہم نے عوام سے بھرپور تعاون کی اپیل کی ہے۔
shafqat abad main street pe bhi chakar lgay itna kar dein k km se km ambulance to bagair ruqawat k guzar jaya kary logon ki shops k saamny bnay gy tharry bohot mushkil karty hain na time se ambulance phnch skti hea na koi private car patient ly k jald hospital phnch skti hea…