ڈسٹرکٹ پولیس آفیسر انور سعید کنگرا کی ہدایت پر جرائم پیشہ عناصر کے خلاف پولیس کی شاندار کارروائی. نقب زنی کی وارداتوں میں ملوث بین الاضلاعی گینگ کے تین ملزمان گرفتار
05 لاکھ روپے نقدی، لاکھوں روپے مالیتی طلائی زیورات، موٹرسائیکل، موبائل فون،ٹیبلٹ، اسلحہ اور وارداتوں میں استعمال ہونے والی کار بھی برآمد. ملزمان کی نشاندہی پر 13 مقدمات ٹریس کئے گئے
منڈی بہاءالدین (ایم.بی.ڈین نیوز 14 فروری 2022) تفصیلات کے مطابق ڈی پی او انور سعید کنگرا کی ہدایت پر ڈی ایس پی سرکل پھالیہ راجہ فخر بشیر نے پریس کانفرنس کے دوران بتایا کہ نقب زنی کی وارداتوں کی روک تھام ، ملزمان کو ٹریس کرنے اور ان کی گرفتاری کے لئے ڈسٹرکٹ پولیس آفیسر انور سعید کنگرا نے ڈی ایس پی آرگنائزڈ کرائم عامر شاہین گوندل اور ڈی ایس پی پھالیہ راجہ فخر بشیر کو خصوصی ٹاسک دیا.
یہ بھی پڑھیں: لیدھر: نامعلوم چور غریب کسان کے تمام مویشی لے گئے، اہل علاقہ کا شدید احتجاج
جنہوں نے اپنی ٹیم کے ہمراہ جدید ٹیکنالوجی کی مدد سے نقب زنی کی وارداتوں میں ملوث ملزمان کو ٹریس کرکےجاوید عرف جیدو نقب زن گینگ کو سرغنہ سمیت گرفتار کرلیا، گرفتار ملزمان میں جاوید، عثمان اور فیصل شامل ہیں جن کے قبضہ سے پانچ لاکھ روپے نقدی، لاکھوں روپے مالیتی طلائی زیورات، موٹرسائیکل، ایل سی ڈی، کمپیوٹر، پارچہ جات،فوٹو کاپی مشین، ڈی وی ڈی پلئیرز، ڈش ریسیورز، واٹر پمپ، اسلحہ سمیت ڈکیتی کی وارداتوں میں استعمال کی جانے والی کار برآمد کرلی.
ملزمان سے دوران تفتیش 13 مقدمات ٹریس ہوئے جن سے مزید تفتیش بھی کی جارہی ہے، ڈی پی او انور سعید کنگرا کا کہنا ہے کہ عوام کے جان و مال کا تحفظ پولیس کی اولین ترجیح ہے جس پر کوئی سمجھوتہ نہیں کیا جاسکتا، ضلعی پولیس جرائم پیشہ عناصر کے خلاف پوری طرح متحرک ہے.
