ممبئی: بھارت میں ٹرین ڈرائیور نے حاضر دماغی کا مظاہرہ کرتے ہوئے بزرگ شہری کی زندگی کو بچالیا۔
بھارتی میڈیا کے مطابق ممبئی کے ریلوے اسٹیشن پر ویسل دینے والے اہلکار کے بروقت اطلاع دینے اور ٹرین کے دو ڈرائیورز کی مہارت کے ساتھ بریک لگانے کی وجہ سے ٹرین کے نیچے آئے بزرگ شہری ہولناک حادثے میں محفوظ رہے۔
Trespassing railway tracks is illegal and dangerous. It can be fatal.
Alert LP S.K. Pradhan & ALP Ravi Shankar of Mumbai-Varanasi Spl train 02193 applied emergency brakes at Kalyan & saved a senior citizen who was crossing tracks. Santosh Kumar, CPWI shouted to caution them (1/2) pic.twitter.com/emonSxAHzc— Central Railway (@Central_Railway) July 18, 2021
کلیان اسٹیشن پر ممبئی سے وارانسی کے درمیان والی ٹرین کے ٹریک کو بزرگ شہری عبور کر رہے تھے، انہیں قریب آتی ٹرین کا بھی احساس نہیں ہوا جسے دیکھ کر ویسل مین نے سیٹی بجا کر ڈرائیورز کو مطلع کیا اور ڈرائیورز نے پھرتی دکھاتے ہوئے ایمرجنسی بریک لگا دیئے۔
اس طرح ٹرین عین اس وقت رک گئی جب برزگ شہری ٹرین کے انجن کے نیچے دب گئے اگر ایک لمحے کی بھی تاخیر ہوتی تو ٹرین بزرگ شہری کو کچل دیتی۔ بھارتی ریلوے کے جنرل منیجر نے ویسل مین اور دونوں ڈرائیورز کو قیمتی انسانی جان کو بچانے پر انعامی رقم دینے کا اعلان کیا ہے.