منڈی بہاءالدین میں چوری وڈکیتی کی وارداتوں کا نہ رکنے والا سلسلہ جاری. تھانہ گوجرہ کی حدود نین رانجھا میں چوری کی انوکھی واردات، چور دکان کا شٹر کاٹ کر لاکھوں کا کپڑا لے اڑے پولیس مصروف تفتیش
منڈی بہاوالدین ( ایم.بی.ڈین نیوز 14 دسمبر 2020) منڈی بہاءالدین کے تھانہ گوجرہ کی حدود نین رانجھا میں گزشتہ رات چور دکان کا شٹر کاٹ کر کپڑے کی دکان کا صفایا کر گئے۔ طلحہ کلاتھ ہاؤس کے مالک عمران علی کا کہنا ہے کہ میں نے دکان کی چھت کو مضبوط بنوانے کے لئے کنکریٹ کروائی اور شٹر کو اندر سے تالے لگا رکھے تھے تاکہ کوئی باہر سے تالا نہ توڑ سکے مگر جس طریقے سے شٹر کو کاٹ کر واردات کی گئی یہ میں سوچ بھی نہیں سکتا تھا۔
میری روزی کا ذریعہ یہ دکان ہی ہے اب دکان کی چوری ہو جانے کے بعد میں بہت پریشان ہوں میری ڈی سی منڈی بہاءالدین اور ڈی پی او منڈی بہاءالدین سے اپیل ہے کہ اس واردات میں ملوث چوروں کو جلد از جلد پکڑا جائے اور میرا نقصان پورا کیا جائے
