منڈی بہاءالدین کے مویشی پنجاب بھر میں جلدی بیماری سے محفوظ

محکمہ لائیو سٹاک کے مطابق لمپی سکن سے محفوظ اضلاع میں منڈی بہاؤالدین، شیخوپورہ، اوکاڑہ، چینوٹ، حافظ آباد اور نارووال شامل ہیں۔

سیالکوٹ(ڈسٹرکٹ رپورٹر ) پنجاب کے مختلف علاقوں میں مویشیوں کی بیماری لمپی میں اضافے پر سیالکوٹ کے مویشی پال افراد میں تشویش کی لہر دوڑگئی ،انتظامیہ اور حکومت پنجاب مویشیوں کی دیکھ بھال کیلئے خاطر خواہ اقدامات نہ اٹھا سکی ۔تفصیلات کے مطابق پنجاب کے مختلف اضلاع میں مویشیوں میں لمپی نامی سکن کی بیماری میں اضافہ ہو رہا ہے ۔

یہ بھی پڑھیں: منڈی بہاؤالدین کی مویشی منڈی 3کروڑ 15 لاکھ روپے میں نیلام

شہریوں کا کہنا ہے کہ حکومت پنجاب اور محکمہ لائیو سٹاک روایتی بے حسی اور چشم پوشی کا مظاہرہ کر رہا ہے ۔ذرائع کے مطابق پنجاب میں نئی صورتحال میں پنجاب کے 36 اضلاع میں سے صرف چھ اضلاع اس بیماری سے محفوظ ہیں۔محکمہ لائیو سٹاک کے مطابق لمپی سکن سے محفوظ اضلاع میں منڈی بہاؤالدین، شیخوپورہ، اوکاڑہ، چینوٹ، حافظ آباد اور نارووال شامل ہیں۔