ڈسٹرکٹ پولیس آفیسر ساجد حسین کھوکھر کی ہدایت پر اغواء شدہ بچی کو بازیاب کروا کر باحفاظت والدین کے حوالے کر دیا گیا
منڈی بہاوالدین پولیس( ایم.بی.ڈین نیوز 21 جون 2021) ڈسٹرکٹ پولیس آفیسر ساجد حسین کھوکھر کی ہدایت پر اور راجہ فخر بشیر(DSP ملکوال سرکل) کی زیر کمان ارمغان مقسط گوندل(SHO تھانہ ملکوال) اور انکی ٹیم نے ڈی پی او ملک ساجد حسین کھوکھر کی ہدایت پر ملکوال پولیس نے باہووال سے اغوا ہونے والی پانچ سالہ بچی کو جوئیہ ضلع اوکاڑہ سے بازیاب کروا کے ملزم کو گرفتارکر لیا..
تفصیلات کیمطابق ملزم طارق محمود سکنہ جوئیہ ضلع اوکاڑہ ملکوال کے نواحی گاؤں باہووال میں ایک زمیندار کے پاس ملازم تھا اس کا گاؤں کے بلال حسن کے گھر آنا جانا تھا ہفتہ کے روز ملزم بلال کے گھر گیا تو اس کی پانچ سالہ بہن مناہل فاطمہ گھر میں اکیلی تھی جسے ملزم نے چیز دینے کے بہانے باہر لے گیا اور ایک کیری ڈبہ وین میں بٹھا کر اغوا کرکے اپنے آبائی گاؤں جوئیہ ضلع اوکاڑہ لے گیا..
ڈی پی او منڈی بہاوالدین ساجد حسین کھوکھر نے واقعہ کا نوٹس لیتے ہوئے ایس ایچ او تھانہ ملکوال ارمغان مقسط گوندل کی قیادت میں تفتیشی ٹیم تشکیل دی پولیس نے بلال حسن کی درخواست پر ملزم طارق محمود سمیت پانچ افراد کیخلاف مقدمہ درج کر لیا.. اپنی پیشہ وارانہ مہارتوں و جدید ٹیکنالوجی کو بروئے کار لا کر ملزموں کا سراغ لگا کر گرفتار کر لیا.. بچی کو بازیاب کروا کر باحفاظت والدین کے حوالے کر دیا جو کہ پولیس کو دعآئیں دیتے اپنے گھر کو روانہ ہوگئے.
