محکمہ لائیو سٹاک اینڈ ڈیری ڈویلپمنٹ ملکوال کے زیر اہتمام سہولت سنٹر ملکوال میں وزیراعظم پاکستان کے منصوبہ فروغ گھریلو مرغبانی برائے سال 2021 کے تحت 200 پولٹری یونٹ تقسیم کئے گئے۔ اس موقع پر ایک پر وقار تقریب کا انعقاد کیا گیا۔
منڈی بہاوالدین( ایم.بی.ڈین نیوز 17مئی 2022 ) تقریب میں ایڈیشنل پرنسپل ویٹرنری آفیسر مظفر حسین بخاری ، ویٹرنری آفیسر بارموسی ڈاکٹر امجد رئوف و تحصیل ملکوال کے کامیاب فارمر خواتین و حضرات اور نمبرداران کی کثیر تعداد موجود تھی۔
ڈپٹی ڈائریکٹر لائیو سٹاک ملکوال ڈاکٹر پرنس وقاص احمد نے بتایا کہ اس منصوبے کا مقصد دیہی علاقوں میں چھو ٹے فارمرز خواتین و حضرات کے لیے روزگار کے مواقع پیدا کرنا اور ملک میں دیسی انڈوں اور گوشت کی پیداوار میں اضافہ اور دستیاب پروٹین کی کمی کو پورا کرنا ہے ۔اس سلسلے میں محکمہ لائیو سٹاک قرعہ اندازی کے ذریعے میرٹ کے مطابق درخواست گزار فارمر کو مکمل ویکسین شدہ اعلی نسل کے پولٹری یونٹ جو کہ پانچ دیسی مرغیوں اور ایک مرغ پر مشتمل ہوتا ہے۔
محکمہ ہر سیٹ پر 450 روپے کی رعایت سے صرف 134 روپے میں یہ یونٹ بمعہ مفت ضروری ادویات و ہدایات کامیاب فارمر کو فراہم کرتا ہے۔ جنہوں نے حکومت کے اس منصوبے کی افادیت کو سراہا اور محکمہ لائیوسٹاک تحصیل ملکوال کی کارکردگی پر اطمینان کا اظہار کیا۔
