ملک وال(نامہ نگار) غلام علی کہانہ، بابر سہیل کہانہ اور فتح محمد مانگٹ آف بولا بالا نے اپنی برادری اور سینکڑوں ساتھیوں سمیت مسلم لیگ ن کے ایم این اے مختار احمد بھرتھ کا ساتھ چھوڑ کر پی ٹی آئی کے رہنما ندیم افضل چن کی حمائت کا اعلان کر دیا.
تفصیلات کے مطابق خوشی محمد کہا نہ کے ڈیرہ بولا بالا پر شمولیت کی تقریب سے خطاب کرتے سابق مشیر وزیر اعظم ندیم افضل چن نے کہا کہ ہم نے اپنے حلقہ میں شرافت اور رواداری کی سیاست کو پروان چڑھایاجس کی وجہ سے لوگ ہمارے ساتھ شامل ہورہے ہیں انہوں نے کہا کہ میں نے حلقہ میں بجلی گیس سڑکوں کی تعمیر سمیت ریکارڈ ترقیاتی کام کرا ئے ہیں جس سے عوام کا معیار زندگی پہلے سے بہت بہتر ہو گیا ہے اب بھی کروڑوں روپے کی لاگت سے سڑکوں کی تعمیر اور گیس کی فراہمی کا کام جاری ہے .
ندیم افضل چن نے کہا کہ عوامی خدمت کا یہ سفر انشا اللہ آئندہ بھی جاری رہے گا اس موقع پر یوسی چیئرمین اصغر نذیر گوندل،تصور حیات قریشی،سابق چیئر مین گلناز حسین شاہ،ٹھیکیدار ملک عبدالرشید، منور نذیر گوندل،تحصیل صدر پی ٹی آئی اظہر اقبال گوندل ایڈووکیٹ،محمد اقبال مڈھانہ،محمد اکرم گوندل،غلام علی کہانہ،محمد امیر کہانہ،مھمد اعظم گوندل، محمد باقر بولا،خضر حیات بولا،مسعود احمد بولا،اعظم بولا سمیت دیگر بھی موجود تھے۔
