مرالہ چوروں ڈاکوؤں کے نرغے میں مرالہ اور گردونواح میں ڈاکوؤں اور چوروں کا راج برقرار نامعلوم ڈاکوؤں نے چوہدری سلطان احمد وڑائچ سے ڈیرہ بابے سردارے کا کے قریب ان سے 3 لاکھ اور 72 ہزار لوٹ لیے. آئے روز چوریوں میں مسلسل اضافے سے عوام خود کو غیر محفوظ سمجھنے لگے پولیس تھانہ سول لائن اور چورنڈ چوکی لمبی تان کر سو گئے اہل علاقہ کی ڈی پی او سے نوٹس لینے کی اپیل
مرالہ مکھنانوالی اور چورنڈ (نامہ نگاران ) علاقے کی ممتاز سیاسی و سماجی شخصیت اور پاکستان پیپلز پارٹی یونین کونسل مرالہ کے رہنما چوہدری سلطان احمد وڑائچ نے نمائندہ خصوصی کو تفصیل بتاتے ہوئے کہا ہے کہ میں ہیلاں نہر پل سے مین سڑک پر اپنے گھر مرالہ موٹر سائیکل پر جا رہا تھا جب میں ڈیرہ بابے سردارے کے نزدیک پہنچا تو سامنے سے تین نقاب پوش ہنڈا ون ٹو فائیو موٹر سائیکل پر آئے اور انہوں نے مجھے گن پوائنٹ پر روک کر مجھ سے نقدی 3 لاکھ اور 72 ہزار روپے لوٹ کر فرار ہو گئے جن کا ابھی تک پتہ نہیں چل سکا .
اس سے پہلے بھی نامعلوم چور سلطان احمد وڑائچ کا موٹر سائیکل منیر احمد گوندل کی گھڑاپ ریاض احمد وڑائچ کے دو بکرے اورنگزیب وڑائچ کی گھڑاپ اور ماسٹر محمد عنایت مرحوم آف مکھنانوالی کے ڈیرے سے ان کی دو بکریاں چرا چکے ہیں ۔جن کا ابھی تک کوئی بھی پتہ نہیں چل سکا پولیس تھانہ سول لائن اور چورنڈ چوکی صرف اور صرف مقدمات درج کرنے تک ہی محدود ہو کر رہ گئی ہے علاقے میں پولیس گشت نام کی کوئی بھی صورت حال دیکھائی نہیں دیتی ۔پولیس چوکی چورنڈ کے اہلکار شاموں شام اپنے اپنے گھروں کو جا کر سو جاتے ہیں صبح اس وقت آتے ہیں جب عوام لٹ چکی ہوتی ہے.
اہلیان مرالہ مکھنانوالی اور اہل علاقہ کی عوام کی ڈی پی او منڈی بہاوالدین سے پرزور اپیل ہے کہ پولیس تھانہ سول لائن اور پولیس چوکی چورنڈ میں ذمہ دار پولیس آفیسرز کو تعینات کیا جائے جو اپنی اپنی مکمل ذمہ داریوں کا مظاہرہ کرتے ہوئے علاقے کو امن و امان کا گہوارہ بنائیں اور نامعلوم چوروں ڈاکوؤں کو پکڑ کر انہیں کیفر کردار تک پہنچائیں اور چوری شدہ مال و مسروقہ برآمد کر کے عوام کے حوالے کریں
