کراچی: پاکستانی گلوکار شہزاد رائے کی انٹرنیٹ پر ایک ویڈیو سامنے آئی جس میں وہ مداحوں کو جادو دکھانے کی کوشش کررہے تھے۔
شہزاد رائے کی ویڈیو دیکھ کر آپ بھی ایک منٹ کے لیے حیران رہ جائیں گے کیونکہ وہ فریم میں دو کرسیوں کے سہارے زمین سے ایک فٹ اوپر اٹھ کر پاؤں موڑے بیٹھے تھے۔ شہزاد رائے نے دراصل زمین پر لیٹ کر کرسیوں اور گھڑی کو ایسے انداز سے رکھا کہ دیکھنے والے یہی سمجھ رہے تھے کہ گلوکار بیٹھے ہوئے ہیں اور زمین سے ایک فٹ اوپر ہوکر بغیر کسی سہارے کے سیدھے بیٹھ گئے۔
یہ بھی پڑھیں: طالبعلم پر تشدد کرنے والے ملزمان گرفتار ہونے پر شہزاد رائے کی پولیس کی تعریف
اس ویڈیو کو دیکھ کر ایسا تاثر آرہا تھا جیسے شہزاد رائے بیٹھ کر یہ سب کررہے ہیں مگر حقیقت اُس وقت سامنے آئی جب ایک بچہ کمرے میں داخل ہوا اور پوچھا یہ آپ کیا کررہے ہیں۔؟ بچے کے کمرے میں داخل ہوتے ہی شہزاد رائے کے کیمرے کا انداز تبدیل ہوا تو اندازہ ہوا کہ وہ زمین پر لیٹ کر یہ سب کچھ کررہے تھے.
Shehzad Roy had us totally impressed…until his son entered the frame 😂 #ShehzadRoy pic.twitter.com/oyDMj5zZHl
— Galaxy Lollywood (@galaxylollywood) January 26, 2022
