منڈی بہاو الدین( ایم.بی.ڈین نیوز 22دسمبر2020)ڈپٹی کمشنر طارق علی بسرا نے کہا ہے کہ محکمہ زراعت غیر معیاری اور زائد قیمت پرکھادیں اور زرعی ادویات فروخت کرنے والوں کے خلاف کریک ڈاﺅن مذید تیز کر دیں۔ جعلی اور ملاوٹ شدہ کھادیں اور ادویات بیچنے والے معاشرے کا ناسور ہیں، کسانوں کو سہولیات فراہم کئے بغیر زرعی اجناس میں خود کفالت کی منزل حاصل نہیں کی جا سکتی۔
ان خیالات کا اظہار انہوں نے محکمہ زراعت کی جانب سے غیر معیاری اور زائد قیمت کھادیں فروخت کرنے والوں کے خلاف جاری کاروائیوں کی رپورٹ کا جائزہ لینے کے بعد کیا۔دریں اثنا حکومت پنجاب اور ڈپٹی کمشنر کی ہدایت پر ڈپٹی ڈائریکٹر زراعت (توسیع ) شیخ محمد اقبال نے ریڑکابالا میں کھاد ڈیلروں کو زائد قیمت پر کھاد فروخت کرنے پر 35ہزار روپے جرمانہ کیا۔
ڈپٹی ڈائریکٹرزراعت نے مذید بتایا کہ ڈپٹی کمشنر کی ہدایت کے مطابق محکمہ زراعت (توسےع) کے جعلی کھادوں کے خلاف کرےک ڈاﺅن جاری ہے۔ڈپٹی کمشنر نے واضح کیا کہ زراعت ہماری معےشت کی رےڑھ کی ہڈی ہے کاشتکار ہمارے ملک کا سرماےہ ہےں اور اس طبقے کا استحصال کرنا در اصل ملکی معےشت کو نقصان پہنچانا ہے۔انہوں نے مذید کہا کہ جعلی اور زائد قیمت کھاد فروخت کرنے والوں کے ساتھ کوئی رعایت نہ کی جائے اور اس گھناﺅنے کاروبار میں ملوث افراد کو کیفر کردار تک پہنچایا جائے۔
انہوں نے کہا کہ کسان حضرات جعلی ، غیر معیاری اور زائد قیمت کھاد بیچنے والوں پر کڑی نظر رکھیں ۔جعلی اور زائد قمت کھاد بےچنے والے اور کسانوں کا استحصال کرنے والے عناصر کسی رعاےت کی مستحق نہیں ان کا ہر جگہ محاسبہ کیا جائے گا۔انہوں نے کہا کہ صوبائی حکومت کا عزم ہے کہ وہ پنجاب میں زرعی شعبے کو جعلی کھادوں اور ادویات سے ہر صورت محفوظ بنایا جائیگا۔
