ریجنل ایمرجنسی آفیسر (گوجرنوالہ ڈویژن)سید کمال عابد نے ڈویژنل آڈٹ کمیٹی کے ہمراہ سینٹرل اسٹیشن ریسکیو 1122 منڈی بہاﺅالدین کا دورہ کیا۔
منڈی بہاوالدین( ایم.بی.ڈین نیوز 25 مارچ 2022 ) ریسکیو آفس آمد پر 1122 کے چاق و چوبند دستے نے انہیں سلامی دی اور پھولوں کا گلدستہ پیش کیا۔ ریجنل ایمرجنسی آفیسرنے ضلع منڈی بہا ﺅالدین کے ریسکیو آفیسرز کی گزشتہ 6ماہ کی کارگردگی کا جائزہ لیا۔
انہوں نے سٹاف کا ٹرن آﺅٹ ، بلڈنگ اور گاڑیوں کا تفصیلی معائنہ کیا۔ اس موقع پر ڈسٹرکٹ ایمرجنسی آفیسر انجینئر عمران خان اور دیگر افسران بھی موجودتھے ۔ ریجنل ایمرجنسی آفیسر نے کارگردگی کی رپورٹس کا تفصیلی جائرہ لیا اور اطمینان کا اظہار کیا۔ انہوں نے آفیسرز کو ہدایت کی وہ اسی جوش وجزبہ کے تحت اپنے فرائض جانفشانی سے سر انجام دیں ۔
اس موقع پر ضلعی ایمرجنسی آفیسر انجینئر عمران خان نے ریجنل ایمرجنسی آفیسر سید کمال عابد کا ریسکیو اہلکاروں کی حوصلہ افزائی پر شکریہ ادا کیا اور کہا کہ ان کی آمد سے ریسکیو اہلکاروں کا حوصلہ مزےد بلند ہوا ہے اور اس طرح کے دوروں سے سروس کے معیار کومزید بہتر بنانے میں معاونت اور رہنمائی حاصل ہو گی ۔
