منڈی بہاؤالدین ( ایم۔بی۔ڈین نیوز ۲۲ مئی 2021) آستانہ عالیہ گوڑھا ہاشم شاہ پر فلسطین پر اسرائیلی مظالم کے خلاف سیدافتخار حسین شاہ ، سید عبدالماجد حیدر شاہ سینئر نائب صدر مذہبی امورونگ پی ٹی آئی سنٹرل پنجاب کی زیرصدارت احتجاجی مظاہرہ ہوا ، جس میں سجادہ نشین آستانہ عالیہ گوڑھا ہاشم شاہ نے خصوصی شرکت کی ۔
اس دوران انھو ں نے اپنے خطاب میں کہا کہ مسلم امہ یک زبان اور ایک جان ہیں ہم اسرائیلی مظالم کی پرزور مذمت کرتے ہیں اور بیت المقدس کی حفاظت کے لیے ہمہ وقت تیار ہیں ،۔ ہم مسلم امہ پرمظالم کو کسی صورت برداشت نہیں کریں گے ، حکومت اعلان کرے ہم جہاد فلسطین کے لیے ہر وقت تیار ہیں ۔
شرکت کرنے والوں میں رضوان قادری صوبائی رہنما سنی تحریک پنجاب مہر جاوید ، سید عاقب حیدر ، ملک مشتاق ، سید امتیازحیدر ،سید طارق مصطفی ، محمد اقبال ، سید علی حسن، نواز علی گوندل ، ڈاکٹر خضرحیات ،عبدالحمید پراچہ وغیرہ نے شرکت کی ۔
