منڈی بہاؤالدین(بیوروچیف ) چیف الیکشن کمیشن اعجاز احمد جنجوعہ کی سربراہی میں الیکشن کمیشن انجمن تاجران منڈی بہاؤالدین کے وفد نے ایم این اے حاجی امتیاز احمد سے خصوصی ملاقات کی۔وفد نے الیکشن انجمن تاجران کی افادیت سے آگاہ کیا۔ انہوں نے حاجی امتیاز احمد چوہدری کو بتایا کہ منڈی بہاوالدین کے تمام تاجران الیکشن کے لئے برسر میدان ہیں۔
منڈی بہاؤالدین کا ایک دیرینہ مسئلہ حل ہونے جا رہا ہے ۔ تاجران کے مسائل اور انتظامی روابط کو قائم رکھنے کے لیے ایک منتخب انجمن تاجران کی تشکیل ناگزیر ہے۔ تاجران اپنے حلقہ کے ایم این اے حاجی امتیاز احمد کی تائید حاصل کرنے کے لیے تشریف لائے ہیں۔اس پر حاجی امتیاز احمد چوہدری نے انجمن تاجران کے وفد کی کوششوں کو سراہتے ہوئے انجمن تاجران کے الیکشن کی بھر پور حمایت کا یقین دلایا اور ہر ممکن تعاون کا وعدہ کیا ۔
یہ بھی پڑھیں: حمیدہ وحید الدین نے انجمن تاجران کے الیکشن کی حمایت کا اعلان کر دیا
تاجران کے وفد میں حاجی مظہر اقبال گوندل ،فاروق احمد قریشی، مرزا ریاض شاہد، خالد محمود قریشی، مرزا ارشد اقبال، محمد فاروق صراف ، ملک احمد امتیاز، اعجاز حیدر تارڈ،خاور قریشی،حمزہ چوہان و دیگر معزز تاجران شامل تھے۔ جنہوں نے بھر پور انداز میں حاجی امتیاز احمد کا حمایت کرنے پر شکریہ ادا کیا۔
