انجمنِ تاجران منڈی بہاوالدین کی طرف سے نبی پاک صلی اللہ علیہ وآلہ وسلم کی شان میں گستاخی کے خلاف بھرپور احتجاج کیا گیا۔۔
منڈی بہائوالدین ( 11 جون 2022 ندیم ہاکی والا) تفصیلات کے مطابق انجمن تاجران منڈی بہاوالدین کے زیر اہتمام گستاخانے رسول کے خلاف ایک پرامن احتجاج کیا گیا جس کی قیادت صدر انجمن تاجران حاجی مرزا عبدالمجید نے کی جس میں آصف بشیر بھاگٹ سمیت سیاسی وسماجی شخصیات کی بہت بڑی تعداد نے شرکت کی.
ریلی کالج چوک سے ہوتی ہوئی میلاد چوک صدر چوک سبزی منڈی چوک سے پریس کلب کے سامنے اختتام پذیر ہوئی جہاں پر مقررین نے خطاب کرتے ہوئے کہا کہ ہمارا تن من ہمارا مال ہماری اولاد ہمارے ماں باپ سب نبی پاک صلی اللہ علیہ وآلہ وسلم کی ناموس پر قربان ہم کسی صورت اپنے پیارے نبی پاک کی شان میں گستاخی برداشت نہیں کریں گے.
مقررین نے حکومت وقت سے مطالبہ کیا کہ فوری طور پر انڈیا سے تمام تجارتی اور سفارتی تعلقات ختم کیے جائیں اور انڈیا کے سفیر کو پاکستان سے نکالا جائے ورنہ احتجاج کا سلسلہ جاری رہے گا اس ریلی میں سب سے شرمناک بات یہ ہے کہ منڈی بہاوالدین شہر میں پریس کے مامے جو صحافت کو اپنی وراثت سمجھتے ہیں انکا ایک ممبر بھی پریس کلب کے سامنے احتجاج میں شریک نہیں ہوا کیا انکی صحافت صرف اپنے مفادات کی حد تک ہے
