ڈی پی او منڈی بہاٶالدین کا سرکل صدر تھانہ کٹھیالہ شیخاں سرپرائز وزٹ انسپیکشن،شجرکاری مہم کا پودا بھی لگایا
منڈی بہاءالدین (ایم.بی.ڈین نیوز 24 فروری 2022) انسپکٹر جنرل آف پولیس پنجاب سردار علی خان کے ویژن کے مطابق ڈسٹرکٹ پولیس آفیسرمنڈی بہاٶالدین انور سعید کنگرا کادوران وزٹ تھانہ کٹھیالہ شیخاں کی بلڈنگ اور حوالات میں نصب کیمروں کا جائزہ لیا۔ تھانہ کا ریکارڈ ،مال خانہ ،فرنٹ ڈیسک، اسلحہ کوت اور تھانہ کی صفائی کو چیک کیا اور احاطہ تھانہ میں بسلسلہ شجرکاری مہم اپنے دست مبارک سے پودا لگایا اوردعا بھی کی
اس موقع پر ڈی ایس پی ہیڈ کواٹر خالد محمود رانجھا بھی ہمراہ تھے ۔ محررتھانہ تھانہ نےحوالات میں بند ملزمان کی ترتیب وار تفصیل سے ڈی پی او صاحب کو آگاہ کیا ۔ڈی پی او منڈی نے فرنٹ ڈیسک آن لائن ریکارڈ کے ذریعے زیر تفتیش مقدمات کا جائز ہ لیااور ان کو جلد از جلد یکسو کرنے کا حکم دیا ۔
ڈسٹرکٹ پولیس آفیسر منڈی بہاٶالدین نے ایس ایچ کٹھیالہ شیخاں سمیت تمام پولیس افسران کو ہدایات دیں کے تھانہ میں آنے والے سائلین کے مسائل کو فوری حل کیا کریں اور ان کے ساتھ انتہائی شائستگی کے ساتھ پیش آئیں ۔ جرائم پیشہ افراد کے خلاف کاروائی کر کے شہریوں کے جان و مال کا تحفظ کرنا پولیس کی اولین ترجیح ہے ۔
