منڈی بہاﺅالدین( ایم.بی.ڈین نیوز 02 ستمبر 2021 ) ڈپٹی کمشنر طارق علی بسرانے تحصیل پھالیہ کا اچانک دورہ کیا، دورے کے دوران انہوں نے اسسٹنٹ کمشنر آفس میں ریونیو فیلڈ سٹاف ، پرائس کنٹرول مجسٹریٹس کی کارکردگی ، حکومتی واجبات کی وصولی، کورٹ کیسز، تحصیل پھالیہ کی ترقیاتی سکیموں ، اراضی ریکارڈ سنٹر، شجرکاری مہم ،وزیراعظم اور وزیراعلیٰ کے اقدامات،شجرکاری مہم، کلین گرین پاکستان انڈکس کے حوالے سے اقدامات کا تفصیلی جائزہ لیا اور مختلف امورز کے حوالے سے ضروری ہدایات بھی جاری کیں۔
دریں اثناء ڈپٹی کمشنر نے اپنے دورے کے آغاز میں منڈی بہاﺅالدین اور پھالیہ میں منعقدہ ریونیو عوامی خدمت کچہریوں کا معائنہ کیا ۔انہوں نے کہا کہ ریونیو عوامی خدمت کچہریوں کا مقصد عوامی مسائل حل کرنا ہے ، ان کچہریوں میں شہریوں کے ریونیو سے متعلق پیچیدہ مسائل فور ی حل ہوتے ہیں، انہوں نے کہاکہ ڈپٹی کمشنر تا پٹواری تک ریونیوکا عملہ عوام الناس کی سہولت کے لیے فرد کے اجراء، درستگی ریکارڈ، انتقالات کے اجراء، انکم سرٹیفکیٹ، معائنہ ریکارڈ، رجسٹری، ڈومیسائل کا اجراءاور ریونیو سے متعلقہ دیگر درپیش مسائل کے حل کے حوالے سے ایک ہی چھت کے نیچے الگ الگ کاﺅنٹرز پر خدمات مہیا کرنے کیلئے موجود ہوتا ہے، یہی وجہ ہے عوام الناس کی کثیر تعداد نے ان خدمت کچہریوں پر اپنے بھر پور اعتماد کا اظہار کیا ہے۔
یہ بھی پڑھیں: تحصیل کونسل ہال منڈی بہاءالدین میں کھلی کچہری کا انعقاد کیا گیا
ان خیالات کا اظہار انہوں نے آج یہاںتحصیل کونسل ہال منڈی بہاﺅالدین اور پھالیہ میں منعقدہ ریونیو عوامی خدمت کچہریوں میں سائلین سے گفتگوکرتے ہوئے کیا۔ اس موقع پراسسٹنٹ کمشنر پھالیہ ساجد منیر کلیار،سی او تحصیل کونسل منڈی بہاﺅالدین شہزاد اختر تارڑ، تحصیلدارا ن و نا ئب تحصیلداران، لینڈ ریکارڈ سنٹر اور ریونیو افسران کے علاوہ سائلین کی کثیر تعداد بھی موجود تھی۔
ڈپٹی کمشنر نے عوامی خدمت کچہریوں میں آئے ہوئے سائلین سے خود بھی توجہ اور خلوص سے ان کے مسائل سنے اور ان کے حل کے لئے موقع پر ہی احکامات جاری کئے۔ قبل ازیں ڈپٹی کمشنر نے مانگٹ بی ایچ او کا اچانک دورہ کیا۔ اس موقع پر ڈپٹی ڈسٹرکٹ ہیلتھ آفیسر ڈاکٹر خالد عباسی ، ڈاکٹرز اور پیرا میڈیکل سٹاف بھی موجود تھا۔ انہوں نے بی ایچ یو کے سٹاف کی حاضری اور مختلف شعبوں ،ڈسپنسری، واش رومز اور صفائی ستھرائی کا معائنہ کیااورمریضوں کو دی جانے والی طبی سہولیات کا بھی جائزہ لیا۔
انہوں نے بی ایچ یو میں آئے ہوئے مریضوں اور ان کے لواحقین سے علاج معالجہ کی سہولیات کے بارے میں استفسار کیا جس پر مریضوں نے اپنے اطمینان کا اظہار کیا۔ ڈپٹی کمشنر نے ہیلاں میں جاری محرم الحرام کے حوالے سے مجالس کے روٹس کا بھی معائنہ کیا۔ انہوں نے تحصیل انتظامیہ اور مجالس کے منتظمین کو ضروری ہدایات بھی جاری کیں۔
