پھالیہ(نمائندہ سرفراز احمد تارڑ سے ) منڈی بہاءالدین پھر لہو لہو! دو نجی کالجز کے طلباء گروپوں میں تصادم ،فائر لگنے سے پنجاب کالج کا سیکنڈ ائیر کا طالب علم موقع پر جاں بحق ،راہگیر شدید زخمی ہوگیا۔ گجرات ہسپتال ریفر
منڈی بہاءالدین (ایم.بی.ڈین نیوز 28 مئی 2022) سپیریئر کالج اور پنجاب کالج کے دو گروپوں میں چھٹی کے وقت تصادم ہوگیا، جس کے نتیجہ میں سپیریئر کالج کے مسلح طلباء نے اپنے چند ساتھیوں کے ہمراہ پنجاب کالج کے طلباء پر تشدد شروع کر دیا.
یہ بھی پڑھیں: ہیگر والا کے قریب ڈرائیور نے ویگن طلباء پر چڑھا دی، 1 طالبعلم زخمی
اسی اثناء میں پنجاب کالج سیکنڈ ائیر کا طالب علم 18سالہ عبداللہ افضل سینے میں گولی لگنے سے موقع پر جاں بحق جبکہ ایک راہگیر شدید زخمی ہوگیا . زخمی کو ابتدائی طبی امداد دینے کے بعد عزیز بھٹی شہید اسپتال گجرات ریفر کر دیا گیا ، تھانہ پھالیہ پولیس نے موقع سے شواہد اکٹھے کرنے کے بعد کارروائی شروع کردی۔
