کراچی: ملک کے نئے وزیراعظم کے انتخاب سے قبل پاکستان اسٹاک ایکسچینج میں 46 ہزار پوائنٹس کی نفسیاتی حد بھی عبور ہوگئی جبکہ ڈالر کی قدر میں بھی کمی دیکھی گئی۔
کاروبار کے آغاز پر 100 انڈیکس میں 800 سے زائد پوائنٹس کا اضافہ ہوا، جس کے بعد دیکھتے ہی دیکھتے 1770 پوائنٹس کا اضافہ ریکارڈ کیا گیا۔ مارکیٹ 44ہزار 444 کی سطح سے شروع ہوئی اور دوران ٹریڈنگ 45 ہزار پوائنٹس کے بعد 46ہزار 215 کی سطح پر پہنچ گئی۔ تقریباً ساڑھے تین فیصد سے زائد اضافہ ریکارڈ کیا گیا۔
دوران ٹریڈنگ سرمایہ کاروں کی جانب سے اربوں روپے کے حصص خریدے گئے۔ دوسری جانب، انٹر بینک مارکیٹ میں بھی ڈالر کی مسلسل گراوٹ دیکھی جا رہی ہے، ڈالر 1.57روپے کمی سے 183.11روپے کا ہوگیا.
