منڈی بہاوالدین پولیس کا چھاپہ، قحبہ خانوں کے خلاف کارروائی، تتلیاں اور بھنورے رنگے ہاتھوں گرفتار، مقدمہ درج۔
منڈی بہاوالدین (ایم.بی.ڈین نیوز 31 اگست 2021) ڈسٹرکٹ پولیس آفیسر منڈی بہاؤالدین ساجد حسین کھوکھر نے ضلع بھر میں قائم قحبہ خانوں کے خلاف سخت کاروائی کے احکامات جاری کر رکھے ہیں۔ منڈی بہاؤالدین پولیس نے کارروائی کرتے ہوئے محلہ شفقت آباد میں قائم جسم فروشی کے ایک اڈے پر چھاپہ مار کر تتلیوں اور بھنورں کو رنگے ہاتھوں گرفتار کر لیا ہے۔
پولیس کو مخبر خاص نے اطلاع دی تھی کہ بدنام زمانہ طیبہ زوجہ رضوان قوم قریشی سکنہ ڈیرہ مزمل شاہ اپنے گھر مردوں اور خواتین کو بلا کر زنا کاری کرواتی ہے۔پولیس نے ایک فرضی گاہک بنا کر 2 ہزار روپے دے کر ان کے پاس بھیجا۔ تو طیبہ نے تھوڑی دیر بعد لڑکی دینے کا وعدہ کیا۔منڈی بہاؤالدین پولیس نے قحبہ خانہ پر چھاپہ مار کر طیبہ ، عائشہ،طارق محمود اور آفتاب شاہ کو گرفتار کر لیا اور نشان زدہ 2 ہزار روپے بھی برآمد کر لیے ہیں۔ پولیس نے مقدمہ درج کر کے کارروائی شروع کر دی ہے۔
