منڈی بہاوالدین سے عمران خان کے جلسے میں شرکت کے لیے حاجی امتیاز احمد چوہدری ایم این اے،اعجازاحمدچوہدری سابق ایم این اے،امیدوار ڈسٹرکٹ میئر کی قیادت میں ایک تاریخی جلوس اسلام آباد کے لیے روانہ،پی ٹی آئی کے ہزاروں ٹائیگرز نے بھنگڑے ڈالتے ہوئے پارٹی پرچم اور عمران خان کی قد آور تصاویر اٹھا رکھی تھیں،
منڈی بہاءالدین (ایم.بی.ڈین نیوز 27 مارچ 2022 ) منڈی بہاوالدین سے حاجی امتیاز احمد چوہدری ایم این اے،اعجازاحمد چوہدری سابق ایم این اے امیدوار ڈسٹرکٹ میئر کی قیادت میں تحریک انصاف کے ٹائیگرز اور بلدیاتی امیدواروں نے عمران خان کے جلسے میں شرکت کے لیے حاجی سیکریٹریٹ منڈی بہاءالدین میں صبح سے جوش وخروش دیکھنے میں آیا جہاں شائقین کی پراٹھا، انڈہ،سری پائے نان کشمیری چائے سے تواضع کی گئی اور گاڑیوں میں کھانے تقسیم کرکے اسلام آباد جلسہ گاہ کی طرف روانہ ہو گیا.
جس طرح عوام رابطہ مہم کے آغاز پر عوام نے عمران خان کا پرتپاک استقبال کیا تھا آج منڈی بہاوالدین کی عوام اسلام آباد جلسہ میں شرکت کرکے پرجوش ہے، ڈھول کی تھاپ پر بھنگڑے رقص و دھمال ڈالے گئے. وزیراعظم عمران خان کے نعروں سے فضاء گونجتی رہی اورجلوس حاجی امتیاز احمد چوہدری ایم این اے اور اعجاز احمد چودھری سابق ایم این اے امیدوار ڈسٹرکٹ میئر کی قیادت میں شرکت کرینگے.
