منڈی بہاوالدین( ایم.بی.ڈین نیوز 16 جون 2022 )حکومت پنجاب کے احکامات کی روشنی میں ضلعی انتظامیہ منڈی بہاوالدین کا ناجائز منافع خوروں کے خلاف بھرپور کریک ڈائون جاری ہے.
ضلعی کی مارکیٹوں میں ضروری اشیائے خوردونوش کی کنٹرول نرخوں پر فراہمی اور قیمتوں کے استحکام کیلئے 25 پرائس کنٹرو ل مجسٹریٹس نے ضلع بھر میں گذشتہ روز 774 انسپکشنز کیں، ان کاروائیوں کے دوران مہنگے داموں اشیائے خوردونوش فروخت کرنے والے 29 دکانداروں کو ایک لاکھ 500 روپے جرمانہ کیا گیا اور متعدد دکانوں اور گوداموں وغیرہ کو سیل کیا گیا۔
ڈپٹی کمشنر عثمان خالد خان کا کہنا ہے کہ وزیراعظم پاکستان میاں محمد شہباز شریف اور وزیراعلیٰ پنجاب حمزہ شہباز شریف کی واضح ہدایات کی روشنی میں اشیائے خوردونوش کی قیمتوں میں استحکام کو سوفیصد یقینی بنایا جا رہا ہے،حکومت موجودہ حالات میں عوام الناس کو ریلیف پہنچانے کیلئے تمام وسائل بروئے کار لا رہی ہے۔
انہوں نے پرائس کنٹرول مجسٹریٹس صاحبان کو واضح ہدایت کی کہ وہ اسی محنت اور لگن سے عادی گراں فروشوں، ذخیرہ اندوزوں اور ناجائز منافع خوروں کوجرمانے کرنے کے ساتھ ساتھ جیل بھی بھجوائیں۔ انہوںنے ہدایت کی کہ افسران فیلڈ میں رہتے ہوئے عوام الناس کو زیادہ زیادہ سے ریلیف فراہم کرنے کیلئے اپنی کارکردگی کو مزید بہتر بنائیں۔
