ضلعی انتظامیہ منڈی بہاوالدین کا ناجائز منافع خوروں کے خلاف بھرپور کریک ڈائون جاری، یکم جون سے 12 جون تک کی رپورٹ کے مطابق پرائس کنٹرول مجسٹریٹس کی جانب سے 4 ہزار 633 چھاپہ مار کاروائیاں کی گئیں
منڈی بہاوالدین( ایم.بی.ڈین نیوز 13 جون 2022) ان کاروائیوں کے دوران مہنگے داموں اشیائے خوردونوش فروخت کرنے والوں کو 8 لاکھ 8 ہزار روپے کے جرمانے عائد کیے گئے، 6 افراد کے خلاف مقدمات کا اندراج کروایا اور 6 افراد کو حوالہ پولیس کیا اور متعدد دکانوں اور گوداموں وغیرہ کو سیل کیا گیا۔
ڈپٹی کمشنر عثمان خالد خان نے ضلع بھر کے تمام پرائس کنٹرول مجسٹریٹس کو کہا ہے کہ وہ اسی محنت اور لگن سے ناجائز منافع خوروں کے خلاف کریک ڈاو ¿ن جاری رکھیں، آٹے، چینی ، دودھ ، دہی ،گوشت اور دیگر اشیائے خوردونوش کی سرکاری مقررہ نرخوں پر دستیابی یقینی بنائیں تا کہ شہریوں کو ریلیف فراہم کیا جا سکے۔
انہوں نے کہا کہ اشیائے خوردونوش کی قیمتوں میں اضافے اور ذخیرہ اندوزی کی روک تھام کے لیے بھرپور کریک ڈاو ¿ن جاری رکھیں اور جہاں خلاف ورزی پائی جائے فوری کاروائی عمل میں لاتے ہوئے ناجائز ذخیرہ شدہ ضروریات زندگی کو قانون کے مطابق ضبط کر لیا جائے۔
