منڈی بہاءالدین پھر لہو لہو ہو گیا. آج صبح سویرے منڈی بہاءالدین میں افسوس ناک واقع. ست سرا چوک میں رکشے پر فائرنگ کے نتیجے میں 2 افراد قتل جبکہ خواتین سمیت 5 افراد زخمی ہو گئے.
منڈی بہاءالدین ( ایم.بی.ڈین نیوز 25 اپریل 2022) پھالیہ روڈ دی ایجوکیٹرز سکول نزد ست سرا کے سامنے رکشہ ڈرائیور سمیت 2 افراد کو نا معلوم افراد نے فائرنگ کر کے قتل کر دیا. جبکہ فائرنگ کی زد میں آکر خواتین سمیت پانچ افراد زخمی ہو گئے. قاتل موقع سے فرار ہونے میں کامیاب.
یہ بھی پڑھیں: پھالیہ: نامعلوم افراد کی فائرنگ، وکیل اور ڈرائیور قتل، بیٹے سمیت 3افراد زخمی
فائرنگ کی زد میں آکر اعجاز احمد ولد عطا محمد سکنہ ڈھوک نواں لوک اور محمد افضل ولد محمد نواز سکنہ گوڑھا محلہ جاں بحق ہوگئے. جبکہ محمد زیشان ولد فیاض بٹ سکنہ چکنمبر 143 بہاولنگر، ثمینہ بی بی زوجہ محمد جمیل سکنہ کشمیر کالونی اور آمنہ بی بی زوجہ محمد اقبال قوم گوندل شدید زخمی ہو گئے.
یاد رہے کہ گزشتہ ہفتے کو قادرآباد میں فائرنگ کا واقع رونما ہوا تھا جس میں سابق صدر بار منڈی بہاءالدین کو ساتھی سمیت قتل کر دیا گیا تھا.
