منڈی بہاﺅالدین( ایم.بی.ڈین نیوز 4 جولائی2022)ڈپٹی کمشنر عثمان خالد خان نے کہا ہے کہ ضلع بھر میں سبسڈائزڈ آٹا کی فراہمی جاری ہے اور سبسڈائزڈ آٹا ضلع بھر میں وافر مقدار میں موجود ہے۔ انہوں نے بتایا کہ 10کلو آٹے کا تھیلا 490 روپے جبکہ20 کلوآٹے کا تھیلا 980 روپے میں دستیاب ہے۔
انہوں نے کہاکہ ضلع بھر میں کسی بھی جگہ آٹا کی کوئی کمی نہیں ہے اور سرکاری ہدایات پر عمل نہ کرنے والی فلور ملز کے خلاف مسلسل ایکشن جاری ہے اور گندم کی خرد برد میں ملوث فلور ملز مالکان کے خلاف مسلسل کاروائیاں بھی کی جا رہی ہیں۔ انہوں نے کہاکہ رعائتی نرخوں پر فراہم کردہ گندم کی خرد برد کسی صورت برداشت نہیں کی جا سکتی ۔ عوام کو ریلیف کی فراہمی کے حوالے سے کوئی دباﺅ اور بلیک میلنگ کسی صورت برداشت نہیں کی جائے گی ۔
ڈپٹی کمشنر نے متعلقہ افسران کو ہدایت کی سستے آٹے کی فراہمی کو قومی فریضہ سمجھ کر اداکریں ۔ انہوں نے فلور ملز مالکان کو ہدایت کی کہ وہ اس اہم قومی ٹاسک کو ادا کرنے میں ضلعی انتظامیہ کا بھر پور ساتھ دیں کیونکہ ضلعی انتظامیہ آٹا مافیا کے خلاف کسی قسم کی کوئی رعائت نہ برتے گی۔
