پنجاب: منڈی بہاوالدین ضلعی انتظامیہ نے جمعہ کے لیے چھٹی منسوخ کرتے ہوئے تمام تجارتی مراکز کھولنے کا اعلان کردیا۔
ڈپٹی کمشنر منڈی بہاوالدین طارق علی بسرا نے ایک بیان میں کہا ہے کہ جمعہ کو کاروباری برادری ایس او پیز کے تحت صبح 9 سے شام 6 بجے تک کاروبار کرسکتی ہے تاہم ہفتہ 8مئی سے کاروبار بند ہوگا۔ انہوں نے کہا کہ امید ہے عوام اور کاروباری حضرات تجارتی مراکز میں ایس او پیز کا خیال رکھیں گے۔
یہ بھی پڑھیں: پنجاب حکومت کا صوبے میں مکمل لاک ڈاؤن کا فیصلہ
واضح رہے کہ این سی او سی کے فیصلے کے تحت صوبے میں دو روز سیف ڈیز قرار دئیے تھے جس کے تحت ہر ہفتے جمعہ اور اتوار کو کاروبار مکمل طور پر بند ہوتا ہے تاہم کاروباری برادری کی درخواست پر ضلعی انتظامیہ نے جمعہ کو کاروبار کھولنے کی اجازت دی ہے.
