MC Phalia

پھالیہ شہر سے گھنیاں کارپٹ سڑک کا کام دوبارہ شروع کر دیا گیا

پھالیہ (سید حفیظ سبزواری) چیف آفیسر میونسپل کمیٹی پھالیہ چوہدری عرفان احمد گوندل نے میڈیا کو بریفنگ میں بتایا کہ تقریبا تین سال قبل پھالیہ شہر سے گھنیاں روڈ کارپٹ سڑک کا کام شروع کیا گیا جو کہ فنڈز کم ہونے کی وجہ سے صرف ایک مقامی ہسپتال تک محدود رہا، اب اس اہم سڑک کی تعمیر کا کام جس مقامی ہسپتال کے سامنے ختم کیا گیا تھا وہیں سے دوبارہ شروع کر دیا گیا ہے جسے تحصیل ہیڈ کوارٹر ہسپتال پھالیہ تک مکمل کیا جائے گا.

واضح رہے کہ یہ اہم سڑک تحصیل ہیڈ کوارٹر ہسپتال پھالیہ کے سامنے سے گزرتی ہوئی موضع گھنیاں،دھریکاں،رنمل شریف سے ہوتی ہوئی علی پور چٹھہ گوجرانوالہ اور لاہور تک جا ملتی ہے اس سڑک کی تعمیر سے جہاں سرکاری ہسپتال میں آنے والے مریضوں کو فائدہ ہوگا ان کے ٹائم کی بچت ہوگی اس کے ساتھ ساتھ دور دراز سے آنے جانے والے مسافروں کے لیے بھی آسانیاں پیدا ہوں گی

عوامی سماجی حلقوں نے سڑک کی تعمیر پر وزیر اعلی پنجاب چوہدری پرویز الہٰی ،ڈپٹی کمشنر منڈی بہاؤالدین،اسسٹنٹ کمشنر پھالیہ اور خصوصی طور پر چیف آفیسر میونسپل کمیٹی پھالیہ چوہدری عرفان احمد گوندل کو شاندار الفاظ میں خراج تحسین پیش کیا ہے

اپنا تبصرہ بھیجیں