لالہ موسیٰ سے براستہ ملکوال پنڈ دادن خان چلنے والی ٹرین کا روٹ تبدیل کر دیا گیا

محکمہ ریلوے نے 15اپریل سے لالہ موسیٰ براستہ ملکوال پنڈ دادنخان چلنے والی ٹرین کا روٹ لالہ موسیٰ سے پنڈ دادنخان تبدیل کرکے لالہ موسیٰ‘ سرگودھا‘ پنڈ دادنخان کردیا ہے

یہ ٹرین لالہ موسیٰ سے صبح 6 بجے روانہ ہو کر منڈی بہاؤالدین، ملکوال، پھلوان، بھلوال سے ہوتی ہوئی صبح 10.40 پر سرگودھا پہنچے گی اور صبح 11.30 بجے سرگودھا سے روانہ ہو کر پنڈ دادن خان پہنچے گی جہاں سے ٹرین واپس ملکوال سے ہوتی ہوئی لالہ موسیٰ پہنچے گی۔

اس ٹرین کے شروع ہونے سے سرگودھا کے لوگوں کو پنڈ دادن خان تک سفر کرنا آسان ہو جائے گا۔ منڈی بہاءالدین، لالہ موسیٰ، ڈنگہ، پھلروان، بھلوال اور دیگر شہروں کے شہریوں کو بہتر سفری سہولیات میسر ہوں گی۔