لاہور: محکمہ موسمیات کا کہنا ہے کہ آئندہ تین سے چار روز تک ملک کے بیشتر علاقوں میں بارش کا کوئی امکان نہیں۔ تاہم بالائی علاقوں میں موسم سرد اور جزوی طور پر ابر آلود رہے گا۔ پنجاب کے میدانی علاقوں میں صبح کے اوقات میں سموگ اور دھند چھائی رہے گی۔
ماہرین موسمیات کا کہنا ہے کہ آئندہ تین سے چار روز کے دوران ملک میں موسم کا کوئی ایسا بڑا نمونہ آنے والا نہیں ہے جس کے نتیجے میں اچھی بارشوں کی توقع کی جاسکتی ہے۔ ملک کے بیشتر بالائی علاقوں میں موسم سرد اور جزوی طور پر ابر آلود رہے گا۔
محکمہ موسمیات کا کہنا ہے کہ ابر آلود موسم کی پیش گوئی کے باعث پنجاب کے بعض میدانی علاقوں میں صبح کے اوقات میں سموگ اور دھند پڑنے کا امکان ہے۔ محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم جزوی طور پر ابر آلود اور بالائی علاقوں میں سرد رہا۔ جبکہ سندھ، اوماڑہ اور پنجگور میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش سندھ کے علاقے حیدر آباد میں 22 ملی میٹر ریکارڈ کی گئی۔ گزشتہ روز ریکارڈ کیا گیا کم سے کم درجہ حرارت لیہہ میں منفی 05 ڈگری سینٹی گریڈ، سکردو میں منفی 04، کالام، ہنزہ اور گوپس میں منفی 01 ڈگری سینٹی گریڈ ریکارڈ کیا گیا۔
