محکمہ اینٹی کرپشن گوجرانوالہ نے جوڈیشل مجسٹریٹ کے ہمراہ مشترکہ کاروائی کر کے گریڈ 17 کے محکمہ ایکسائز اینڈ ٹیکسیشن منڈی بہاءالدین کے کانسٹیبل اور آفس بوائے کو گاڑی ٹرانسفر کرانے کی مد میں 20 ہزار روپے رشوت لیتے رنگے ہاتھوں گرفتار کر لیا گیا۔
منڈی بہاءالدین (ایم.بی.ڈین نیوز 27 اکتوبر 2022) یہ کاروائی ریجنل ڈائریکٹر ظہیر انور جپہ کی زیر نگرانی عمل میں لائی گئی۔ بتایا گیا ہے کہ محکمہ ایکسائز اینڈ ٹیکسیشن منڈی بہائوالدین میں تعینات 2 اہلکاروں کو گرفتار کر لیا گیا.
یہ بھی پڑھیں: نان ڈیوٹی پیڈ، اسمگلڈ گاڑیاں اور جعلی کاغذات پررجسٹرڈ بڑی گاڑیاں ضبط کرنے کی ہدایت
کانسٹیبل عثمان عارف اور پرائیویٹ آفس بوائے بلال اسلم کو 20 ہزار روپے رشوت کی رقم لیتے اینٹی کرپشن منڈی بہاءالدین کے سرکل آفیسر عبدالعظیم کاہلوں نے جوڈیشل مجسٹریٹ کے ہمراہ کاروائی کر کے گرفتار کرلیا۔ ملزموں کے قبضہ سے نشان زدہ نوٹ برآمد کر کے مقدمہ درج کر لیا گیا۔