اسسٹنٹ کمشنر پھالیہ محمد افضال چوہدری اور چیف آفیسر میونسپل کمیٹی پھالیہ چوہدری بشیر تارڑ کی ہدایت پر سینٹری انسپکٹر محمد وسیم انجم کی زیر نگرانی میونسپل کمیٹی پھالیہ کے سینٹری ورکروں نے راہ خدا میں قربان کئیے گئے ہزاروں جانوروں کی آلائشیں اٹھانے اور ان کو ٹھکانے لگانے کے لیے محنت و جانفشانی سے کام کیا ۔
شہر میں مختلف جگہوں پر بنائے گئے بیسیوں ویسٹ کولیکشن پوائنٹس سے ٹریکٹر ٹرالی اور لوڈر رکشاوں پر آلائشیں اٹھا کر شہر سے باہر محفوظ مقام پر ڈمپ کرتے رہے جس سے ماحولیاتی آلودگی اور بدبو کا خاتمہ ممکن ہوا.
اس موقع عوامی و سماجی حلقوں کا کہنا تھا کہ میونسپل کمیٹی نے محدود وسائل کے باوجود شہر بھر میں صفائی کے بہترین انتظامات ترتیب دیئے عید الاضحیٰ کے موقع پر صفائی ستھرائی اور قربانی کے جانوروں کی آلائشیں بروقت ٹھکانے لگانے کے مثالی انتظامات پر
شہر کے عوامی وسماجی حلقوں نے اسسٹنٹ کمشنر پھالیہ محمد افضال چوہدری ، چیف آفیسر میونسپل کمیٹی پھالیہ چوہدری بشیر احمد تارڑ اور سینڑی انسپکٹر محمد وسیم انجم اور میونسپل کمیٹی پھالیہ کی ٹیم اور سینٹری ورکرز کو شاندار الفاظ میں خراجِ تحسین پیش کیاہے ۔