منڈی بہاوالدین( ایم.بی.ڈین نیوز 22جون 2023)ڈپٹی کمشنر شاہد عمران مارتھ کی ہدایت پر سیکرٹری ٹرانسپورٹ اتھارٹی فریال نعیم کی پبلک ٹرانسپورٹ کے کرایوں میں اوورچارجنگ اورکرایہ نامہ آویزاں نہ کرنے والے ٹرانسپورٹروں کے خلاف کارروائیاں.
سیکرٹری ٹرانسپورٹ اتھارٹی نے 20گاڑیوں کے چالان اور 8گاڑیوں کو ضلع کے مختلف تھانوں میں بند کرتے ہوئے 25ہزار روپے جرمانہ بھی کیا۔اس موقع پر آر ٹی اے فریال نعیم نے خبردار کیا کہ عیدالاضحی کے موقع پر ٹرانسپورٹرز پبلک ٹرانسپورٹ کے کرایوں میں خود ساختہ اضافہ کرتے ہیں.
ضلعی انتظامیہ نے بس اسٹینڈز پر نئے کرائے نامے آویزاں کر دئیے
ایسے ٹرانسپورٹرز کے خلاف محکمہ ٹرانسپورٹ کی کارروائیاں جاری رہیں گی۔ کسی کو عوام کے حقوق کا استحصال نہیں کرنے دیں گے۔ آئندہ مقررہ کرائے سے زائد وصول کرنے والے ٹرانسپورٹرز کو جرمانے کے ساتھ ساتھ گاڑیاں تھانوں میں بند کی جائیں گی اور ڈرائیورز کو جیل بھیجا جائے گا ۔
انہوں نے کہا کہ شہریوں کی سہولیات کیلئے سخت فیصلے ضروری ہیں تا ہم کارروائی کا مقصد کسی کا روزگار چھیننا نہیں۔ ٹرانسپورٹرز ضلعی انتظامیہ کے ساتھ تعاون کریں۔انہوں نے کہاکہ ڈپٹی کمشنر نے واضح طور پر ہدایت کی ہے کہ ایسے عناصر سے کوئی رورعایت نہ برتی جائے ۔
