وزیراعلیٰ کی ہدایت پر انتظامیہ نے آئندہ سال دسمبر میں سرگودھا میں نواز شریف انسٹی ٹیوٹ آف کارڈیالوجی کی او پی ڈی کھولنے کے لیے اقدامات شروع کردیئے ہیں۔ اس سے نہ صرف سرگودھا بلکہ خوشاب، میانوالی، جھنگ، منڈی بہاؤالدین اور گردونواح میں مریضوں کو بہترین طبی سہولیات کی فراہمی میں مدد ملے گی۔
سرگودھا(سٹاف رپورٹر) مسلم لیگ ن وعدوں پر نہیں عملی کام پر یقین رکھتی ہے۔ ان خیالات کا اظہار ممبر قومی اسمبلی ڈاکٹر ذوالفقار علی بھٹی نے عوام سے گفتگو کرتے ہوئے کیا۔
انہوں نے کہا کہ سرگودھا چنیوٹ روڈ پر ڈمپروں سے روزانہ ہونے والے قیمتی جانوں کے ضیاع کو روکنے کے لیے وزیر اعلیٰ پنجاب نے چنیوٹ سرگودھا روڈ کی تعمیر و توسیع کی ہدایات بھی جاری کر دی ہیں۔ جبکہ سرگودھا میں سمارٹ سیف سٹی یکم جنوری تک فعال ہو جائے گا۔ہم سرگودھا میں شہریوں کو بہتر سہولیات فراہم کرنے کے لیے تمام اقدامات اٹھانے کی کوشش کر رہے ہیں۔
