پاک فوج میں بطور جونئیر کمشینڈ آفیسر، نرسنگ اسسٹنٹ، کلرک بھرتی ہوں

منڈی بہاوالدین کے نوجوانوں کیلئے خوشخبری، پاک آرمی میں بھرتی ہونے کا سنہری موقع۔

آپ کو مطلع کیا جاتا ہے کہ پاک فوج میں جونیئر کمیشنڈ آفیسر (نائب خطیب)، نرسنگ اسسٹنٹ، کلرک، ایوی ایشن ٹیکنیشن، سنگل ٹیکنیشن / ای ایم ای الیکتریشن، سپاہی، ڈرائیور سپاہی (لائسنس ہولڈر)، کک اور سینٹری ورکر کی بھرتی کیلئے مطلوبہ اہلیت کے حامل پاکستان بھر سمیت آزاد کشمیر، گلگت، بلتستان کے شادی / غیر شادی شدہ مرد شہریوں سے درخواستیں مطلوب ہیں۔

جونیئر کمیشنڈ آفیسر (نائب خطیب ) کیلئے عمر 10مئی 2024 کو 20 سال سے کم اور 28 سال سے زیادہ نہ ہو اور قد کم از کم 5 فٹ 3 انچ ہو۔ وہ امیدوار جو پہلے سے فوج میں سروس کر رہے ہیں ان کیلئے عمر کی حد 22 سال سے 35 سال اور سروس ایک سال سے کم اور 16 سال سے زیادہ نہ ہو۔

جبکہ نرسنگ اسسٹنٹ، سپاہی اور سپاہی ڈرائیور کی عمر 10 مئی 2024 کو ساڑھے 17 سال سے 23 سال اور شہداء، جنگ کے دوران زخمی ہونے والے لواحقین گریجوایٹ یا اس سے زیادہ تعلیم یافتہ امیدواروں کیلئے عمر کی بالائی حد میں ایک سال تک کی رعائت ہے۔ اس کے علاوہ ریٹائرڈ اور حاضر سروس فوجی افراد کے بچوں کیلئے بھی رعائت ہے۔

ڈرائیور سپاہی کیلئے ڈرائیونگ لائسنس ( ایل ٹی وی) رکھنے والے افراد کیلئے عمر کی بالائی حد میں دو سال تک کی رعائت ہے۔ نیز ڈرائیونگ لائسنس رکھنے والے افراد کو اضافی نمبرز دئیے جائیں گے۔ نرسنگ اسسٹنٹ، سپاہی اور ڈرائیور سپاہی کیلئے 5 فٹ 6 انچ (167.5 cm) جبکہ کلرک اور کک کیلئے قد 5 فٹ 3 انچ (160cm) ہونا چاہیئے۔ ملٹری پولیس کیلئے 5 فٹ 8 انچ (172.5cm) جبکہ 6 فٹ (182.5cm ) کو ترجیح دی جائے گی۔ سینٹری ورکر کیلئے قد 5 فٹ 3 انچ (160cm) اور عمر ساڑھے 17 سے 35 سال تک ہونی چاہیئے۔

جونیئر کمیشنڈ آفیسر (نائب خطیب) کیلئے تعلیمی قابلیت دینی مدرسہ سے درس نظامی جو کہ ہائیر ایجوکیشن کمیشن سے تصدیق شدہ ہو یا پاکستان کے کسی تعلیمی بورڈ سے کم از کم ایف اے / ایف ایس سی یا مساوی ہو۔ روز مرہ امور کے متعلق عربی بول چال میں مہارت، قرات اور حفظ کو اضافی قابلیت تصور کیا جائے گا۔

سپاہی اور ڈرائیور سپاہی کیلئے تعلیمی قابلیت میٹرک یا اس سے زیادہ ہونی چاہیئے جبکہ کلرک کیلئے انٹرمیڈیٹ یا مساوی کم از کم سی گریڈ تعلیم ہونی چاہیئے۔

کک کیلئے تعلیمی قابلیت مڈل یا اس سے زیادہ ہونی چاہیئے

نرسنگ اسسٹنٹ کیلئے تعلیمی قابلیت ایف ایس سی پری میڈیکل ہونی چاہیئے۔

سینٹری ورکر کیلئے زیادہ سے زیادہ تعلیم پرائمری ہونی چاہیئے۔

جونیئر کمیشنڈ آفیسر (نائب خطیب)، نرسنگ اسسٹنٹ، سپاہی، ڈرائیور سپاہی بھرتی کیلئے اصل اسناد بمعہ 2 عدد تصدیق شدہ فوٹو کاپیاں، اپنا کمپیوٹرائزڈ قومی شناختی کارڈ اور والد کے کمپیوٹرائزڈ قومی شناختی کارڈ کی تصدیق شدہ فوٹو کاپی، ڈومیسائل اور باشندہ ریاست سرٹیفکیٹ (آزاد کشمیر کے امیدواروں کیلئے )، چار عدد پاسپورٹ سائز فوٹو گراف اور تمام کاغذات و اسناد اور دستاویزات کی مجاز سرکاری آفیسر سے تصدیق ہونی چاہیئے۔

جونیئر کمیشنڈ آفیسرز(نائب خطیب) کے انتخابی طریقہ کار کیلئے امیدوار اپنی درخواستیں مجوزہ فارم پر آرمی سلیکشن اور ریکروٹمنٹ سنٹر (گلگت، پشاور،ڈی آئی خان، مظفر آباد، رراولپنڈی، لاہور، فیصل آباد، ملتان، کوئتہ، خضدار، تربت، پنوں عاقل، حیدرآباد اور کراچی) سے 19 فروری 2024 سے 9 مئی 2024 کے دوران حاصل کئے جا سکتے ہیں جبکہ نرسنگ اسسٹنٹ، سپاہی اور ڈرائیور سپاہی کیلئے امیدوار 12 فروری 2024 سے 9 مئی 2024 تک اپنی رجسٹریشن www.joinpakarmy.gov.pk پر کروا سکتے ہیں

تا ہم سپاہی کیلئے انٹرنیٹ (آن لائن )رجسٹریشن ضروری نہیں ہے۔ امیدوار قریبی آرمی سلیکشن اینڈ ریکروٹمنٹ سنٹر / آفس یا رجمنٹل سنٹر پر جا کر 19 فروری 2024 سے 9 مئی 2024 تک رجسٹریشن کروا سکتے ہیں اور اقلیتوں کیلئے مخصوص کوٹہ مختص ہے۔

مزید تفصیلات /دوران ملازمت مراعات / انتخابی طریقہ کار کے متعلق جاننے کیلئے قریبی آفس سلیکشن اینڈ ریکروٹمنٹ سنٹر / آفس یا رجمنٹل سنٹر پر رابطہ کریں یا www.joinpakarmy.gov.pk ویب سائٹ وزٹ کریں یا صرف رابطے کیلئے 0544-920340 اور وٹس ایپ رابطے کیلئے 0315-9349137 نمبر پر کال کریں۔