منڈی بہاءالدین میں قائداعظم فٹبال چیمپئن شپ کے مقابلے جاری

قائداعظم گراؤنڈ منڈی بہاءالدین میں ہونے والے ایونٹ میں مختلف اضلاع کی آٹھ ٹیمیں حصہ لے رہی ہیں۔

سیمی فائنل میں نیشنل فٹبال کلب ڈنگہ نے سٹی سپورٹس کلب منڈی بہاؤالدین کو شکست دے کر فائنل کے لیے کوالیفائی کر لیا۔

مقررہ وقت تک میچ 2-2 گول سے برابر رہا، نیشنل فٹبال کلب ڈنگہ نے پنالٹی ککس پر کامیابی حاصل کی۔ آخر میں بہترین کارکردگی کا مظاہرہ کرنے والے کھلاڑیوں میں انعامات تقسیم کیے گئے۔